Tuesday, May 19, 2020

LAFIYAR JIKI May 19, 2020

Amfanin Albasa Guda 10 Da Yadda Ya Ke Tsaida Habo

Albasa

yana da matukar amfani a jikin mutum, ba wajen gyara abinci ba kawai har da gyara lafiyar mutum.

Ga amfaninsa guda goma:

1. Yana tsayar habo – Idan aka dora barin albasa a kasan hanci, zafin sa jini ya tsaya cak.sa habo zai tsaya.

2. Yana dauke da sinadarin ‘Vitamin C – Sinadarin ‘Vitamin C na kawar da mura, tari, warkar da ciwo sannan yana kara kyan fata da tsawon gashi.

3. Yana dauke da sinadarin ‘Chromium’ wanda ke kare mutum daga kamuwa da ciwon siga.

4. Akwai sinadarin ‘Quercetin’ wanda ke hana kamuwa da cutar daji musamman dajin dake kama fata, ciki da dubura.

5. Yana rage kiba a jiki.

6. Akwai sinadarin ‘Folate’ a albasa wanda kan taimaka wa mutum wajen yin barci da hana gajiya.

7. Albasa na kare mutum daga kamuwa da cutar sanyi dake kama al’auran maza da mata.

8. Yana kare mutum daga kamuwa da hawan jini, cututtukan dake kama zuciya kare.

9. Yana kara gashi da tsawo.

10. Albasa na taimakawa wajen saurin nika abinci a ciki.

Family News Tv 0

Friday, May 15, 2020

Zauren Ma'aurata May 15, 2020

MAGANIN ZUBAR JINI YAYIN AL'ADA

Hakika wannan babbar matsalace da take cutar da mata da dama, saidai wasu lokuta matan su suke janyo hakan ta r yin anfani da magani domin janyo al'ada ko nisantar da al'ada domin wadansu dalilai. Wasu lokuta kuwa sukanyi anfani da maganin tazarar haihuwa Wanda likitoci basu tantanceba daga baya sai ayita fama da matsalolin jini da ciwon Mara. To alhamdu lillah idan macce tana yawan zubar jini yayin al'ada wanda asali ba ita ta janyo hakanba, to akwai binciken malaman musulunci wadanda suka tabbatar da magani kamar haka

YANDA ZA'A HADA MAGANIN

Asamu ganyen gawo ashanya bayan ya bushe sai adaka atankade

AWUN SHAN MAGANIN

Asha cokali biyu acikin ruwan dumi kofi daya sau biyu arana zuwa kwana bakwai.

Zata samu garin gauta cokali 5 (wani itacene da yake fito a inda yakeda sanyi yanada yaya kanana wadanda idan aka fasa zaaga cikinsu kamar wasu yaya a ciki), sai a samu garin Habba cokali 5 (habbatis sauda) sai tasamu Zuma rabin kofi tasamu man Zaitun cokali 10.

Family News Tv 0

Zauren Ma'aurata May 15, 2020

KO KANA BUKATAR YARANKA SU TASO DA KAIFIN BASIRA ?

Al'adance musamman a kasashen mu na Hausa bamu cika baiwa yaranmu abincin dake kara kaifin fahimta da basira ba. Asali irin abincin da muke yawan basu abinci ne nau'in (carbohydrate) wanda babban aikinsa shi ne ya samarda karfi ga jiki. kamar; tuwo,shinkafa,kamu,fura da kuma yawan ciyarda su abinci nau'in protein kamar wake da nono.wanda abinci irin wannan kadan ake bukata a ci,saboda shi abinci nau'in protein idan aka ci da yawa to baya da wajen fakewa a jiki asali sai ya haifarda wata matsala.

Abiinda ake bukata anan shi ne a nemawa yaro balance diet, kada a fake abinci kala daya dan dandanon dake ga wannan abincin ko lura da yaron yafi son ya ci wannan abincin, lokuta da dama zaka ga yaro da koshin lafiya amma kuma bayada fahimta a yanda ya dace ko kaman sauran yara,dukda yake ita basira da karfin kwakwalwa hikimomine na Allah, sai dai kuma kamar yanda munka sani cewa a dole sai an ci abinci ake samun jini wadatacce a jiki,kuma sai anci ake samun karfin jiki, to haka ita ma kwakwalwa da irin abincin da take bukata wanda idan ana cinsa to a hakika za a ga amfaninsa.

Binciken wasu likitoci sun lissafo abincin da zai taimaka wajen kara karfin kwakwalwar yara kanana.

Sunce karancinsu na hana yara gane ko kuma fahimtar abin da ya kamata musamman wajen karatu.

Saboda hakan ne suke kira ga iyaye maza da mata da su tabbatar yaran su sun sami abinci kamar haka:

1. Cin dafaffen kwai.

Akwai wasu da suka camfa baiwa kananin yara kwai, inda suke cewa idan yaro na cin kwai idan ya girma to yana iya zamowa yaro mai halin bera(Barawo) Donn haka basa baiwa yaransu kwai har sai sun girma.wannan camfi ne irin na Bahaushe amma ba kamshin gaskiya a ciki.Don haka a zanka dafa kwai kwara daya ya wadatar a zanka baiwa yaro a duk bayan kwan biyu ba fake cin kwan za a yi dare da rana ba.

A cikin kwan,da wasu sinadirran da zasu tallafawa kwakwalwa.

2. Cin ganyayyaki da 'ya'yan itatuwa kamar:

su karas, alaiyahu, tumatur da sauran su.

A koyawa yaro cinsu ko da baya so saboda zasu amfane shi.Domin shi yaro baisan abinda ke amfanarsa ba,yafi son yaci abinci yaji zaki a bakinsa.

3. Cin kifi:

wannan zai fi dacewa idan aka yaye yaro to a nemi kifi mai kyau kuma wanda ya soyu,domin a mafi yawan kifin da ake sayarwa zaka tarar baya soyuwa wanda cinsa a haka yana haifarda tsutsar ciki ga yaro, zai fi a rika dafa kifin sannan a baiwa yaro, wannan ba basira kadai zai kara ba harta da karfin sinadirran garkuwar jiki (immunity).

4. Madara

(musamman wanda aka rage kitsen da ke jikin ta) domin yana dauke da sinadarin ‘Vitamin B’ wanda ke taimakawa wajen bunkasa kwakwalwan yara.

Sai dai kuma zaifi kyau idan za a rika sarrafa madarar misali a sanyata a cikin kamu na gero a gauraya a baiwa yaro ya sha.

Kada a cika sukari a ciki, yawan shan madara ko kayan zaki na iya haifarwa yaro da basir. Amma idan aka sarrafata to za a samu damar daidaita sinadiranta ta yanda ba zata cutarba.

5. Zuma;

yana da kyau a nemi zuma mai kyau ba wacce aka gauraye da sukari ba, sai a rinka lasawa yaro kusan a kullum a kalla sau daya da safe.

6. Ruwan kwakwa :

Arika baiwa yaro kwakwa yana ci ko ruwanta. A hakika har lafiyar ciki da jiki zata kara bama kwakwalwa kadai ba.

7. Cin kayayyakin lanbu kamar su:

lemu, kankana, ayaba, abarba da ayaba suma abincin kwakwalwa ne.

8. A baiwa yaro dabino yana ci shima yana da wata fa'ida ta daban musamman idan ana son ya yi saurin haddace abunda aka karantar da shi.

Duka wadannan ba wani tsada ke garesu ba sannan ba fa kala daya za'a nacewa ba na ci a kullum ba,za a rinka yi ana canzawa.

Family News Tv 0

Thursday, May 14, 2020

LAFIYAR JIKI May 14, 2020

MAGANIN LIMONIYA MAI CUTARWA

Wanda Allah ya jarabce shi da wannan cuta sai ya nemi wadanan mahadai kamar haka:-

1. Garin habbatus sauda cokali 1

2. Garin tafarnuwa cokali 1

3. Ruwan tumatir rabin kofi

4. Gishiri dan kadan kimanin rabin karanin cokali.

Sai ahadasu waje guda agarwaya.

AWUN SHAN MAGANIN

Asha rabin kofi kafin ayi hasur. In kuma ba awatan azumi bane sai asha da safe tun kafin aci komai zuwa kwana bakwai.

za a samu

lafiya da ikon Allah.

Family News Tv 0

LAFIYAR JIKI May 14, 2020

BINCIKE NA MUSAMMAN AKAN NAMIJIN GORO DA AMFANONINSA GA LAFIYAR DAN-ADAM

(1) YANA KASHE DAFIN MACIJI:

Namijin goro yana kashe dafin cizon maciji, idan maciji ya ciji mutum to sai a girba namijin goro guda daya tare da danyar citta ajika atace amatsa lemun tsamina aba si ya sha insha'Allahu nan take zai kashe dafin cizon macijin.

(2) YANA KASHE MACIJI:

Ana shanya namijin goro ya bushe sai a daka, a barbada a wajen da ba a so macijin ya shiga, idan macijin ya ketara wannan garin namijin goron to nan take zai mutu da yardar Allah.

(3) YANA KASHE GUBA:

Duk wanda ya sha wata guba da gan-gan ko bisa kuskure, to asamu namijin goro guda uku akirba ajika da ruwa kofi daya abashi ya hanye, insha'Allah zai amayar da gubar da ya sha, ko ta lalace acikinsa da izinin Allah.

Ana yayyanka namijin goro a jika abarshi ya kwana da safe kafin aci komai sai rika sha zuwa kwana bakwai, insha'Allah duk wata gubar da ke jikin mutum za ta fita.

(5) YANA KARA KARFI:

Ana cin namijin goro tare da citta saboda da karin karfi ga masu iyalai 'yan mintuna Kafin a je ga iyalan.

(6) YANA MAGANIN CIWON GABABUWA:

Cin Namijin goro na magance matsalar ciwon gabobi, kamar yawan gullewa da zugi, yana kuma rage kowane irin radadin mai tsanana da ikon Allah.

)

Yawan cin namijin goro na kashe kwayoyin cutar da ake dauka wajen saduwa wato STD.

(8) YANA INGANTA LAFIYAR HUNHU:

Cin namijin goro goro na kara lafiyar hunhun dan-Adam.

(9) YANA GINA GARKUWAR JIKI:

Namijin goro na da kaso mai yawa na sinadarin 'antioxidant' Wanda ke da muhimmancin gaske wajen yakar kwayoyin cututtuka da kuma sake gina garkuwar jikin dan-Adam.

(10) YANA MAGANIN ZAZZABIN CIZON SAURO:

Namijin goro rigakafi ne daga kamuwa da zazzabin cizon sauro wato maleriya.

(11) YANA INGANTA LAFIYAR IDANU:

Cin namijin goro na kare idanu daga makancewa da yardar Allah.

(12) YANA KASHE GYAMBON-CIKI

Mai wannan larura idan yana cin namijin goro tare da dabino to! insha'Allah zai warke.

Family News Tv 0

Zauren Ma'aurata May 14, 2020

MAGANIN SANYIN MATA KO INFECTION

Idan mace tana fama da kaikayi ko kuraje ko fitar farin ruwa mai wari ko bushewa ko daukewa ko budewa da kwailewa da rashin sha'awa ko gamsuwa da sauran cututtukan sanyi, sai a gwada daya daga cikin wadannan hanyoyi.

1)A samu Saiwar Garafuni da Sassaken Magarya, sai a tafasa, idan ya dan huce sai mace ta dinga kama ruwa da shi. Kullum sau daya.

Yana maganin budewa da kaikayi.

2) A samu Garafuni da Sassaken Sanya sai a tafasa,

Sai mace ta dinga shan rabin kofi da safe, rabi da yamma.

Yana fitar da dattin mara da maganin farin ruwa mai wari.

3) A samu Furen Tumfafiya, sai a shanya ya bushe, a daka a dinga zubawa a cikin Nono ana sha.

Yana magance matsalar ruwan infection.

4) A samu Lalle da Ganyen Magarya da Kanumfari, a hada waje daya a daka sannan a tafasa a zuba farin miski a ciki. Idan ya dan huce sai ta shiga ciki ta zauna tsawon kamar minti goma.

Yin haka yana maganin kaikayi da kuraje da budewa da dadewar gaba.

5) A samu Kabewa a dafa ta, bayan an dafa sai a tsame daga ruwa a jajjagata ko a birga, a zuba Madara ko Nono sannan a sa Zuma a sha.

Wannan yana mganin rashin sha'awa da bushewa da rashin gamsuwa.

6) A dafa Zogale, idan ya dahu sai a murje shi ko a dama, a tace, a yi lemon juice da shi.

Yana maganin fitar farin ruwa mai wari da cushewar mara kuma yana kara ni'ima.

7) A samu `Dan-Tamburawa da Albabunaj a tafasa a zuba Man Hulba a ciki.

Sai ta dan tsuguna tururin ya dinga shigarta.

Idan ya dan huce kuma sai ta shiga ciki ta zauna.

Zai magance mata kaikayi da kuraje kuma yana sa matsewa.

8)A samu Farar Albasa da Kanumfari da Citta da Malmo da Barkono da Raihatul Hubbi,

sai ta dake su tayi Yaji ta dinga cin abinci da shi.

Yana saukar da ni'ima da magance duk

matasalolin sanyi.

9)A samu Sabulun Zaitun da Sabulun Habba sai a daka su.

A samu ganyen Magarya da Garin Bagaruwa a daka a tankade.

Sai a zuba akan sabulan da aka daka sannan a kwa6a da Ma'ul Khal, a zuba Man Tafarnuwa da Farin Almiski.

Sai mace ta dinga kama ruwa da shi kullum sau daya.

Da ruwan dumi amma ake tsarki da shi. Wannan Sabulu yana maganin kuraje da kaikayi da fitar wari.

10) A samu Man Zaitun da Man Habba da Man Tafarnuwa da Man Kanumfari sai a hadesu waje daya.

Mace ta dinga shan cokali daya kullum kafin ta karya.

Yana wanke dattin mara kuma yana samar da ni'ima.

11) A samu Ciyawar Kashe-Zaqi da Farin Magani sai ta hada waje daya ta dinga jika rabin karamin cokali tana sha. Sannan ta dinga shan Man Zaitun Cokali daya kullum kafin ta karya.

Wannan yana maganin dattin mara da wanke daudar mahaifa.

ABUBUWAN DA SUKE KAWOWA MATA CIWON SANYI KO INFECTION.

1)Rashin sanya pant.

2)Barin pant yayi dauda sosai ba a canja ba.

Ana so in da hali kullum a canja pant sau biyu a wanke.

3)Saka pant a jiqe da ruwa.

4)Yawan tsarki da ruwan sanyi.

5)Yawan tsarki da ruwan da zafinsa yayi yawa.

6)Rashin aski.

7)Wasa da gaba.

8)Yawan cin `Danyar Albasa.

9)Yin amfani da Magungunan mata marasa inganci.

10)Dadewa akan Masai ko toilet.

11)Rashin shan iska.

12)Musanyar tufafi.

13)Saduwa da mai cutar.

12)Cutar Aljanu, wato Jinnul Ashiq. Su ma suna sanyawa mace infection mai wuyar magani.

ILLOLIN DA SANYI KO INFECTION YAKE YI WA MATA

1)Yana sa Rashin Sha'awa.

2)Yana sa ciwon mara mai tsanani.

3)Yana haifar da kurajen bakin mahaifa ko ya toshe mahaifar baki daya.

4)Yana sa mace ta dinga jinin al'ada baki kirin mai wari.

5) Yana sanya farin ruwa mai wari ya dinga fito mata.

6)Yana sanyawa a dinga jin mace tana wari mara dadi kuma a rasa ta ina yake fitowa duk wankanta.

7)Yana sa jin zafi yayin saduwar aure ko kuma ganin jini a maimakon ruwa.

8)Yana rikitawa mace kwanakin al'adarta, su dinga karuwa ko raguwa ko jinin ya dinga wasa.

9)Yana sanyawa mace tusar gaba, wato iska ta dinga fita ta gabanta.

10)Yana sanyawa mace yawan `Barin ciki ko kuma rashin shigar cikin kwata-kwata.

11)In yayi karfi yana hana mace haihuwa.

12) Wani infection din alama ce ta zaman Aljanu a jikin mace, musamman idan tana mafarkin namiji dare ko jarirai.

Family News Tv 0

Zauren Ma'aurata May 14, 2020

CIWON MARA MAI TSANANI LOKACIN AL'ADA

Ciwon Mara wata babbar lalurace da take addabar al'umma musamman mata ayau, wanda wasu lokuta hakan yakan kasancene sanadiyyar canzawar lokutan haila, amma Mafi muni shine idan an canza lokacin zuwan haila da gangan ta hanyar yin allura domin a janyo haila ko kuma a nisanta kwanakin zuwanta saboda wasu dalilai.

Maccenda ko mijinda matarsa ko yarsa take fama da wannnan lalurar yayi amfani da waddannan gagun gunan insha Allah zaa samu waraka.

1. Asamu man Hulba, man Habbatis sauda, cokali goma goma.
2. Ruwan khal cokali goma sai ahada da ruwan zafi rabin kofi asha sannan ayi tsaye kamar minti goma sha biyar.
Za'asha wannan kwana uku kamin zuwan jinin haila.

GARGADI
Kar mace mai ciwon ulcer wato gyanbon ciki tayi amfani da wannan maganin haka mace mai ciki itama kar tayi amfani da wannan maganin.

Family News Tv 0

Tsaftar jiki May 14, 2020

GYARAN FATA

Fatar jiki na daya daga cikin ababen dake kare jiki bakidaya. Domin kafin komai ya taba cikin jiki sai ya taba fata. Don haka wajibi ne mu kula da fatar jikinmu.

Amfani da Cocomber da gurji da lemun tsami na cikin ababen dake kare fuska daga kunan rana tare da inganta fata.

1• A rika shafa ruwan lemun tsami da auduga kullum dare kafin a kwanta bacci bayan an wanke fuskar da sabulu. Yin hakan na magance kuraje, tare ta fitar da bakin dabo a fuska.

2•A matse ruwan dankalin turawa sannan a rika shafawa a fuska a kullum kamar sau biyu; safe da yamma sannan sai a wanke da ruwan dumi wannan hadin na haskaka fata.

3• Don dawo da hasken fatar da tayi duhu, sai a samu ayaba a bare ta sannan a kwaba ayabar sai a shafa kwabin a fuska na tsawon mintuna goma zuwa sha biyar sannan a wanke za a yi matukar mamaki Insha'Allahu.

4•Idan ana da fata mai yawan maiko, za a iya amfani da ruwan gurji da kuma ruwan lemun tsami a gauraya su sannan a rika shafawa a fuska ko jiki.

5•A samu bawon lemun zaki sannan a busar da shi sai a daka a tankade sannan a sami madara a kwaba sai a shafa a fuska na tsawon mintuna ashirin shima ya kan dawo da hasken fatar da ta dushashe.

•Za a iya shafa rose water (Ma'u-wardi) a fuska domin samun fuska mai sheki da kuma sulbi.

Family News Tv 0

Zauren Ma'aurata May 14, 2020

MAGANIN CIWON SANYI NA MATA DA WANDA MAZA SUKE DAUKA WAJEN SADUWA DA IYALAN SU WATO INFECTIONS

YANDA ZA'A HADA MAGANIN

1- A samu namijin goro guda biyar

2- a samu citta mai mai yatsu guda 4, ko 5

3- a samu tafarnuwa guda 3 a ko 4 ajajjaga su.

4- lemon tsami guda uku

Sai ayanka su kanana Kuma a jajjaga su,
Shikuma lemon tsamin ayanka shi amatsa ruwan acikin tukuya Kuma ajefa bawon aciki atafasa su dukka,
Atace kafin asha, idan kuma babu dadin sha to sai azuba zuma za'asha dan yayi dandano,

Asha Kofi daya da lokacin sahur, bayan buda bakima asha kofi day, zuwa sati biyu.
Idan kuma ba'a watan azumi bane, to sai asha rabin kofi sau uku 3 a Rana na tsahon sati 2.

Insha Allah za'a warke asamu lafiya da izinin Allah.

Kuma wannan hadin yana maganin gonoria, da sanyi mai rike gabobi da sauransu.

Family News Tv 0

LAFIYAR JIKI May 14, 2020

MAGANIN CIWON IDO WANDA YA GAGARA

Idan mutum ya kamu da ciwon ido kowanne irinhmm ciwon idone, Ko da irin Wanda yake dishi-dishi din nan ne, ko Qaikayin ido, da sauran cututtukan da duka shafi ido.

YANDA ZA'A HADA MAGANIN

Asamu zuma mai kyau marar gauraye arika yin tozali da ita(sawa aido kamar kwalli) kafin akwanta barci. sannan da safe ma amaimaita.

Kuma marar lafiyan zai rika shan cokali Daya🥄 na Zumar akullum.

TSAWON KWANAKIN AMFANI DA MAGANIN

Za’ayi haka har tsawon kwana bakwai zuwa kwana goma Sha hudu. Insha Allahu za’a warke tas da izinin Allah.

Family News Tv 0

LAFIYAR JIKI May 14, 2020

BINCIKE NA MUSAMMAN AKAN TUMATIR

Tumatir yana dauke da sinadirrai daban daban masu dimbin amfani ga lafiyar jikin dan adam.

timatir

Bincike ya tabbatarda cewa a kowane kofi daya na ruwan tumatir na daukeda kaso 75 na sinadirin vitamin C, da kaso 22% na vitamin A.

Ana samun sinadirin Vitamin E da vitamin K da Folate da niacin, da pantothenic acid da riboflavin da B6 da potassium da phosphorus da copper da iron da magnesuim,da sodium da makamantansu.

Sinadirin potassium dake a cikin ruwan tumatir yana taimakawa matuka musan dan rage taruwa ko yawaitar sodium a cikin jiki da kuma rage hawan jini (blood pressure)

Lycopene wani sinadirane dake akoi a cikin ruwan timatir - yana taimakawa wajen karfafa jiyojin jini har zuwa ga zuciya.Haka kuma suna kona sinadiran cholesterol dake katutu a cikin jini ya daskare hanyoyin jini har ya haifarda wata illa ga zuciya.

Ruwan tumatir yana kare jiki daga barazanar kamuwa da kansa (ciwon daji).Bincike ya tabbatarda cewa wannan sinadirin na lycopene yana daukeda wasu magunna dake magance ciwon daji (anti imflammatory da anti cancer cells).Haka kuma lycopene din yana rage girman ciwo ko kurji na ciwon daji (tumor) dake tsira ga hanta,huhu,mamma,da kuma prostate cancer.

Yana rage kiba da tumbi da nauyin jiki sanadin samuwar sinadirin leptin.

A wani bincike da kasidar British journal of Nutrition in 2013 ta kaddamar ta gano cewa ruwan timatir na rage mafiyawan cutukan zuciya da kuma ciwon suga.

Ruwam tumatir na narkarda abinci a cikin kankanin lokaci(fast digestion)

Ruwan tumatir na kara samarda garkuwar jiki.(boosts immunity)

Ana tarfa zuma a tareda cokali uku na ruwan tumatir sai a tagasa a sha maganin cutukan ciki da zafin jiki.

Ana soya kwai da timatir da albasa dan samun ruwan maniyi ga jiki.

Ruwan timatir na karin jini a jika.

Sai dai da yake ruwan tumatir nada tsami(sour)dan haka mai olsa sai yasan yanda zai sha.

Haka kuma mai ciwon Acid reflux disease sai ya nemi shawara kamin ya sha da bayanin da za ayi mashi.

Family News Tv 0

LAFIYAR JIKI May 14, 2020

MAGANIN CIWON MAKOGORO

MAGANIN CIWON MAKOGORO

Don magance matsalar ciwon makogoro sai abi wadanan matakai kamar haka;

YANDA ZA'A HADA MAGANIN

Asamu saiwar sanya da citta da Kanumfari da kimba da na'a-na'a, sai ahadasu waje guda adaka atankade atafasa cokali biyu acikin ruwa kofi daya atace asa zuma a matsa lemun tsami agarwaya.

AWUN SHAN MAGANIN

BABBA;- yasha kofi daya sau biyu arana zuwa kwana bakwai.

YARO;- yasha rabin kofi sau biyu arana zuwa kwana biyar.

GARGADI

kar mace mai ciki tayi amfani da wannan maganin, haka mai fama da ciwon gyanbon ciki wato ulcer shima kar yayi amfani da wannan maganin.

Family News Tv 0

LAFIYAR JIKI May 14, 2020

MATSALOLIN DA CUTUTTUKAN DA SUKA SHAFI HUNHU

MATSALOLIN DA CUTUTTUKAN DA SUKA SHAFI HUNHU*

Akwai matsaloli da cuttuka dayawa da suka shafi hunhu, kama daga kan ciwon daji na hunhu wato ( lung cancer ) Da asima, da nimoniya da mura mai tsana ko tari mai tsananin gaske, da matsalar shakewar numfashi da sauransu.

YANDA ZA'A HADA MAGANIN

Asamu wadanan mahadai kamar haka;-

1. Garin Habbatus-sauda 2. Kimba
3. Na'a-na'a
4. Citta
5. Sassaken marke
6. Kanumfari
7. Kusdul-hindi
8. Girfat
9. 'ya'yan bagaruwa
10. Masoro
11. Ganyen runhu
12. Garin zaitun Sai ahadasu waje guda adaka atankade atafasa cokali uku acikin ruwa rabin lita atace asa zuma agarwaya.

*AWUN SHAN MAGANIN*

*BABBA:-* Yasha kofi daya sau biyu arana zuwa kwana bakwai.

*YARO:-* Yasha rabin kofi sau biyu arana zuwa kwana uku.
*MACE MAI CIKI:-* kar mace mai ciki tayi amfani da wannan maganin har sai cikinta ya kai wata uku zuwa sama, sai ta Sha rabin kofi sau daya arana zuwa kwana hudu.

*AMFANIN MAGANIN*

1. Yana maganin ciwon daji na hunhu wato lung cancer.
2. Yana maganin ciwon makogoro.
3. Yana maganin mura. 4. Yana maganin shakewar numfashi.
5. Yana naganin nimoniya.
7. Yana maganin mugun tari.
8. Yana maganin dattin taba da goro.
9. Yana maganin asima da sanyi.
10. Yana maganin infection na maza da mata.

Family News Tv 0

Monday, May 11, 2020

Tsaftar jiki May 11, 2020

Maganin Warin Baki

Yadda za kai/ki maganin Warin

baki

Da farko za'a samu Abubuwa kamar haka:-

1. Zuma

2.Teeth brush

3.bottle & roba

Sai a zaba zumar acikin bottle ko roba a ringa brush dashi da safe da rana da daddare in za'a kwanta barci kullin sau uku a rana.

Family News Tv 1

FAM News Tv

Breaking

Tuesday, May 19, 2020

Amfanin Albasa Guda 10 Da Yadda Ya Ke Tsaida Habo

Friday, May 15, 2020

MAGANIN ZUBAR JINI YAYIN AL'ADA

KO KANA BUKATAR YARANKA SU TASO DA KAIFIN BASIRA ?

Thursday, May 14, 2020

MAGANIN LIMONIYA MAI CUTARWA

BINCIKE NA MUSAMMAN AKAN NAMIJIN GORO DA AMFANONINSA GA LAFIYAR DAN-ADAM

MAGANIN SANYIN MATA KO INFECTION

CIWON MARA MAI TSANANI LOKACIN AL'ADA

GYARAN FATA

MAGANIN CIWON SANYI NA MATA DA WANDA MAZA SUKE DAUKA WAJEN SADUWA DA IYALAN SU WATO INFECTIONS

MAGANIN CIWON IDO WANDA YA GAGARA

BINCIKE NA MUSAMMAN AKAN TUMATIR

MAGANIN CIWON MAKOGORO

MATSALOLIN DA CUTUTTUKAN DA SUKA SHAFI HUNHU

Monday, May 11, 2020

Maganin Warin Baki

Yadda za kai/ki maganin Warin

baki

Search This Blog

Popular

Comments

Subscribe Us

Facebook

Category

Categories

Tags

Contact Form